Вашингтон во четвртокот одлучи да воведе санкции против пет ирански индустриски групации кои ги обвинува за учество во програмата за развој на балистички ракети на Иран.
Петте групации на кои се насочени новите американски санкции се филијали на конгломератот „Shahid Bakeri Industrial Group“, којашто веќе е вброена во американската црна листа, потсетува агенцијата AFP.
„Тие санкции се насочени на клучните ентитети кои учествуваат во развојот на иранската балистичка ракетна програма на којашто иранскиот режим ѝ дава предност пред економската, а не благосостојбата на иранскиот народ“, објави американскиот министер за финансии Стив Мначин, пренесува Reuters.
Со санкциите официјален Вашингтон го блокира имотот на наведените групации во САД и им забранува трговски односи со САД и пристап до американскиот финансиски систем, се наведува во соопштението на министерството за финансии.
