Брајан Хојт Ји поднел оставка на местото помошник заменик на државниот секретар на САД за Европа и Евроазија, потврдува Стејт департментот за Ал џезира.
Во одговорот е наведено дека Хојт Ји ги известил колегите во американското Министерство за надворешни работи дека ги напушта досегашните должности.
На таа позција беше од 2013 година. Неофицијално, за негов наследник се спомнува некогашниот еф на мисијата на ОБСЕ во Босна и Херцеговина, Џонатан Мур.
Во последното интервју за црногорскиот весник „Вијести“ Хојт Ји изјави дека САД и во 2018 ќе настојуваат да останат присутни на Балканот.
„Барем во последните 25 години САД се активен и важен партнер на Западниот Балкан и ние имаме намера тоа да го продолжиме и во иднина. Наша цел во мандатите на повеќе американски администрации беше да работиме со нашите партнери на зајакнување на демократските институции и спроведување на реформите неопходни за евро-атланска интеграција. Тоа останува наш приоритет и за во иднина“, рече Хојт Ји во интервјуто за црногорскиот весник.