Четворица повредени во сообраќајната несреќа што денеска утро се случи на автопатот Скопје – Тетово.
Според информациите од полицијата, И.Р.(22) од Скопје управувајќи возило Форд Ескорт со скопски регистарски ознаки, изгубил контрола над возилото и удрил во карпа, по што возилото се превртело на десната страна.
Во незгодата со повреди се здобиле возачот и тројца сопатници на возраст од 22, 24 и 27 години, кои биле префрлени во болница во Тетово.
Извршен е увид и се преземаат мерки за расчистување на случајот.