Митрополит Преспанско-Пелагониски, Петар денеска на скопскиот аеродром бил задржан од страна на Финансиската полиција, пред да полета за Австралија, потврдија од Управата. Според Петар, станува збор за грешка, а според Управата за финансиска полиција, со него било разговарано во врска со предмет кој е во предистражна постапка.
Ме задржаа на аеродром, но беше направена грешка во процедурата. Кога луѓето сфатија што направиле, ми се извинија и јас сега патувам за Австралија. За сите детали обратете му се на мојот адвокат , кажа владиката.
Од Управата за финансиска полиција рекоа дека се работи за предмет во предистражна постапка, па не се во можност да споделат информации со јавноста.
Во врска со информациите околу денешните случувања со владиката Петар, кога истрагата ќе биде во фаза која дозволува споделување на информации со јавноста, а тие нема да ја нарушат истата благовремено ќе информираме, соопшти Управата за финансиска полиција.