Стотина граѓани пред кривичниот суд побараа правда за жртвите кај Смилковско Езеро со транспаренти „Спиеш ли мирно Заев“, „Ги сонуваш ли ти жртвите од Смилковското Езеро“ и порачаа судот да ги казни убијците.
На протестот не беа присутни родителите на загинатите. Граѓаните кои протестираа велат дека се организирале преку социјалните мрежи. Меѓу присутните имаше и членови на опозициската ВМРО-ДПМНЕ, кои изјавија дека се дојдени по сопствена волја, а не организирано.