Машката ракометна репрезентација на Македонија предводена од селекторот Раул Гонзалес, вечерва ја почнува битката за Светското првенство што ќе се одржи во јануари 2019 во Данска и Германија.
Македонија ќе игра против незгодната репрезентација на Романија предводена од искусниот стратег на клупата, Чави Пасквал. Натпреварот започнува вечерва во 20.30 часот во ВИП Арената, а ракометарите ќе ја имаат целосната поддршка од трибините со оглед на тоа што целата сала е распродадена до последно место.
Реваншот ќе се игра во среда во Клуж.
Македонија предводена од популарниот ел коменданте Раул Гонзалес е благ фаворит во овој бараж двомеч со Романија само поради фактот што во последните 15 година нашиот национален тим е редовен учесник на големите натпреварувања, а некогашниот ракометен гигант Романија одамна не се пласирал на некое светско или европско првенство.