Советот на јавните обвинители на Република Македонија на денешната 44-та седница избра јавни обвинители на повеќе јавни обвинителства.
За виш јавен обвинител на Вишо јавно обвинителство Штип избран е Тодор Витларов, за основен јавен обвинител на ОЈО Скопје- Сашо Рајчев, за основен јавен обвинител на ОЈО Куманово- Теута Бедиу Рамадани, за основен јавен обвинител на ОЈО Охрид-Зоран Митрески, за основен јавен обвинител на ОЈО Дебар – Неат Црој, за основен јавен обвинител на ОЈО Кичево-Манка Јаневска, за основен јавен обвинител на ОЈО Кочани- Борче Јанев, за основен јавен обвинител на ОЈО Гостивар- Башким Хисени и за основен јавен обвинител на ОЈО Ресен-Реџаил Шерифовски, се наведува во соопштението од Советот на јавните обвинители.
За вршител на должност јавен обвинител на ОЈО Велес е избрана Гордана Тодорова, јавен обвинител велешкото Обвинителство, за вршител на должност јавен обвинител на ОЈО Струга е избран Стојанчо Арнаудоски, јавен обвинител во ОЈО Охрид, а за вршител на должност јавен обвинител на ОЈО Битола е избрана Лиле Талевска, јавен обвинител во битолското Обвинителство.
За јавен обвинител на Вишото јавно обвинителство Скопје, Вишото јавно обвинителство Гостивар, на Основното јавно обвинителство за гонење на организиран криминал и корупција-Скопје и на Основното јавно обвинителство Кавадарци, на денешната седница не се изврши избор на јавни обвинители, и истиот ќе се изврши на една од наредните седници на Советот, се наведува во соопштението.