Времето во Македонија ќе биде променливо облачно и потопло, претпладне со сончеви периоди, попладне со локален дожд и ретки грмежи. Ќе дува слаб, а долж Повардарието и во западните делови умерен северозападен ветер. Дневната температура ќе се движи од 15 до 28 степени. Во Скопје и околината слично време со температура до 25 степени.
Во Скопје претпладне ќе има делумно намалена облачност, попладне со услови за краткотраен дожд и ретки грмежи. Ќе дува умерен северозападен ветер, со температура од 15 до 25 степени.
И во сабота попладне ќе има локален пороен дожд и грмежи. Од недела ќе биде посончево, претежно стабилно и топло.