Жена завршила во болница откако била прегазена на паркинг, вчера во скопската населба Чаир, информираше МВР.
Според полицијата, сообраќајната несреќа се случила во 14 часот на паркинг простор на улицата Отокар Кершовани. Тогаш автомобил „Пежо 206“ управувано од Т.И. (40) од Скопје, удрил во А.Б. (49) од Хрватска, со престој во Македонија. Жената од ударот добила тешки повреди и со возило на итна медицинска помош била пренесена во Ургентен центар при комплексот клиники „Мајка Тереза“ – Скопје.
Увид на местото на настанот извршила екипа од СВР Скопје.
