Автобусот број 25 кој сообраќа од Транспортен центар до Средно Водно од утре наместо во 8, по барање на планинарите и поради високите температури ќе поаѓа во 7.30 часот, информираат од ЈСП. Промената во возниот ред ќе важи за време на викендите и државните празници.
Останатите поаѓања се реализираат според важечкиот утврден возен ред. Потсетуваме дека во викендите и за време на државните празници, возењето со автобусот на линијата 25 е бесплатно за сите граѓани, а истото важи и за сродните лини 25А и 25Б, кои сообраќаат до Средно Водно, а тргнуваат од Стара железничка станица, односно од Дом на печат. Истото се однесува и за линијата 28 која вози од Транспортен центар до Нерези-Македонско село. Сакаме да ги информираме корисниците на јавниот превоз дека од денеска (27.07.2018 година), автобуската постојка кај џамијата Јаја-паша кон Бутел е поместена за стотина метри после пешачкиот надвозник, односно стојалиштето сега е пред ОУ „Лирија“. Поместувањето на постојката е поради безбедносни причини. На претходната локација, поради голема фрекфенција на луѓе и возила, често се случуваа незгоди, велат од ЈСП.
