Поранешната соработничка на американскиот претседател, Доналд Трамп, Омароса Маниго Њумен, објави снимка за која тврди дека е доказ оти Трамп сакал да ја замолчи откако била отпуштена.
Видеото го објави телевизија MSNBC, а наводно на него се слуша снаата на Трамп, Лара, како на Њумен ѝ нуди работа со плата од 15 000 долари месечно, објави агенцијата АП.
Таа работа, според снимката, би значела Њумен да зборува само позитивни работи во врска со Трамп.
The entire Trump campaign is the Trump family using $ from small dollar donors to pay off people
Lara Trump offered Omarosa $180k to join the Trump campaign after being fired from the WH but noted that anything she might have in her "backpocket" wouldn't be able to come out pic.twitter.com/r6yIgmnukO
— Lis Power (@LisPower1) August 16, 2018
Снимката, според АП, исто така укажува дека Њумен располага со компромитирачки информации за Трамп.
„Звучи да, очигледно, постојат некои работи што ги имаш в џеб и можеш да ги објавиш“, вели Лара Трамп, која Њумен ја прекинува велејќи: „О, Боже“.
Станува збор за една од снимките со кои Њумен ги поддржува своите тврдења за Трамп, што таа ги изнесе во новата книга „Надвор од контрола“.
