Рускиот претседател, Владимир Путин, ќе ја посети Србија во октомври или ноември, изјави рускиот амбасадор во Белград, Александар Чепурин.
Тој рече дека пред посетата на Путин во Белград стотици претставници на руските власти и бизнисмени од Русија ќе пристигнат во Србија.Исто така, потсети дека Србија и Русија имаат добра соработка, но и одлични неискористени можности кои треба да се подобрат.
Како што спомна, во првите осум месеци трговската размена на двете земји се зголеми за 20 отсто и изрази очекување дека до крајот на годината ќе го надмине нивото од три милијарди долари.
Чепурин откри дека во октомври Русија ќе усвои програма за економски развој во наредните шест години, што ќе биде „гигантски чекор напред”, во кој ќе биде вклучена и Србија.