Жител на струмичкото село Мокрино загина кога автомобилот што го возел излетал од патот, информираше МВР.
Според полицијата, сообраќајната несреќа се случила вчера околу 18.30 часот на регионалниот пат село Ново Село- село Мокрино. Тогаш автомобил „тојота корола“ со струмички регистарски ознаки, управувано од Е.Д.(69) од Мокрино, излетал од коловозот.
Возачот со тешки повреди бил пренесен во болницата во Струмица каде починал.
Увид на местото на настанот извршила екипа од СВР Струмица.