Хрватскиот кошаркар, Дино Раѓа ноќеска беше примен во кошаркарската „Куќата на славните“ во американскиот град Спринфилд, како дел од „класата 2018“ меѓу кои и Џејсон Кид, Стив Неш, Грент Хил, Реј Ален…
Раѓа во својата кариера имаше извонредни настапи за „Бостон селтикс“, како и во дресовите на поранешна СФРЈ и Хрватска со кои освојуваше светски, европски титули како и два олимписки сребра. Зад себе има три титули европски шампион со сплитска „Југопластика“.
Раѓа е четвртиот Хрват кој доби свое место во кошаркарската куќа на славните по Крешимир Чосиќ, Дражен Петровиќ и Мирко Новосел.
Во својот емотивен говор Раѓа им се заблагодари на „селтикси“, но и на сите соиграчи и тренери од поранешната југословенска репрезентација, кои, како што кажа, го направиле подобар играч.
