Главниот обвинител на Меѓународниот кривичен трибунал во Хаг, Фату Бенсуда изјави дека ќе започне прелиминарна истрага за протерувањето на стотици илјади членови на муслиманското малцинство Рохинджа од Мјанмар во Бангладеш.
Бенсуда во соопштението објавила дека прелиминарната истрага треба да открие дали има доволно докази за да се спроведе целосна истрага.
Таа истакна дека ќе ги разгледа извештаите за “голем број наводни присилни дејствија што резултирале со присилно раселување на Рохинда, вклучувајќи и кршење на фундаменталните права- убивање, сексуално насилство, уништување и грабеж”.
Армијата на Мјанмар е обвинета за кршење на човековите права од големи размери, вклучувајќи и силувања, убиства, тортура и палење на селата каде што живееле Рохинџа, што од август лани доведе до раселување на околу 700.000 муслимани во соседен Бангладеш.
