Ајде да избереме јавен обвинител на предлог на опозиција, собраниска комисија за расчистување на нерегуларностите, пржинска влада од сто дена и ајде на избори, рече во текот на гостувањето на Телевизија Алфа, претседателот на ВМРО-ДПМНЕ, Христијан Мицкоски во врска со најавените предвремени избори и посочи дека неговата партија е подготвена во секој момент да излезе на избори, но претходно треба да се завршат некои работи.
Треба, во прв ред, рече Мицкоски, да се истражат сите нерегуларности во врска со референдумот, но и избор на нов Јавен обивнител по предлог на опозицијата.
„Мора сторителите на ова девијантно однесување да бидат изведени пред лицето на правдата. Ако ова не се истражи и ако не се најдат сторителите на ова, ние ќе имаме повторно и повторно повторување на ова девијантно однесување и тогаш за какви европски вредности ќе зборуваме. За тоа да се случи ние мора да имаме јавен обвнител кој што ќе биде кредибилен да го истражи ова, за да можеме ние како институција да веруваме дека тоа што ќе го направи тоа навистина е така#, рече Мицкоски.
Во врска со ткн пржинската влада, Мицкоски рече дека нема алтернатива за ова и дека треба да се добијат истите услови кои ги имаше СДСМ на парламентарните избори.
„Ние ги дефиниравме условите, а тоа значи истите услови што ги имаше СДСМ кога беше опозиција за изборите во 2016-та. Тоа е дел од Законот и го гласаа претениците на СДСМ и ДУИ и многу јасно и прецизно се договоривме 100 дена пред да се случат парламентарните избори ние треба да имаме техничка влада и ние апсолутно нема со кој да правиме компромис“, вели Мицкоски.
Мицкоски повтори уште еднаш дека треба брза оставка на јавниот обвинител, предлог на опозицијата нов, да се формира анкетна комисија во рамки на Собранието каде ќе се истражат сите сомнителни работи околу референдумот и на крај треба да биде пржинската влада која е договорена со СДСМ.