Дваесет и петгодишен скопјанец е уапсен откако е идентификуван како сторител на убиството од петокот вечерта на среде улица во скопската населба Даме Груев во општина Ѓорче Петров, а според првичните сознанија станува збор за пресметка поради невратени долгови.
Единица за насилен криминал при СВР Скопје до надлежното Основно јавно обвинителство во Скопје, поднесе кривична пријава против С.П. од Скопје, поради основи на сомневање дека извршил кривично дело „убиство“ казниво по член 123 од КЗ на РМ.
Како што информриа МВР, на 28-ми декември годинава околу 21,30 часот на улица „Шарпланинска“ во Скопје, по претходно договорена средба, пријавениот со пушка „Црвена застава“ испукал два патрона во 38 годишнио Н.Д. од Скопје, кој седел во автомобил „фолксваген пасат“ и го убил. Пријавениот потоа ја ставил пушката во возило „пежо 106“, со коешто бил дојден, и го напуштил местото на настанот.
Пријавениот појаснил дека во неколку наврати, од Н.Д. земал пари, а по претходен договор, требало на 28-ми декември во 21 часот да му врати дел од парите. По кажување на пријавениот, Н.Д. во два наврати 22-ри и 27-ми декември му упатувал закани доколку не ја врати сумата на пари, како што претходно се договориле.