Поради сообраќајна незгода вечерва од 20:30 часот на автопатот Гевгелија-Скопје, на местото викано „кај тунелот Т2“, помеѓу Гевгелија и Неготино, сообраќајот е во целосен прекин.
Патничко возило удрило во камион на Македонија пат” на автопатот Гевгелија-Скопје кај Демир Капија, кој растурал сол, за МИА потврди Верољуб Додевски, портпарол на СВР Велес.Во моментов се врши увид на лице место. Пристигнала и брза помош, повредени најверојатно има, но засега не се знае колкумина се здобиле со повреди и за какви повреди станува збор, рече Додевски.
Како што соопшти АМСМ, сообраќајот се пренасочува по стариот пат.