Вчера попладне дојшло до несреќен случај на хрватскиот брод АП Дубрава во јужен Атлантик. Повредени се четири морнари, од кои двајца не даваат знаци на живот, а уште две лица се повредени, но тие се наоѓаат во стабилна состојба, пренесува Индекс хр.
– Повредени се четири морнари – тројца државјани на Хрватска и еден украински морнар. Поради тоа веднаш е побарана итна медицинска помош од бразилските власти, крајбрежната стража и морнарницата. Двајцата повредени се наоѓаат во стабилна состојба, а двајца членови на екипажот не даваат знаци на живот и покрај постојаните обиди да им се изврши реанимација – информираат од Атланската морнарница.
Командантот на бродот и останатите членови на екипажот правеле се што е во нивна можност со цел да успеат да ги извадат повредените лица од бродот, истакнуваат од Атлантската морнарница, истакнувајќи дека очекуваат и доаѓање на хеликоптер, кој поради оддалеченоста на бродот од брегот синоќа не успеал да полета.