Генералниот секретар на ВМРО-ДПМНЕ Игор Јанушев денеска беше дел од маршот во чест на петте струмички студенти.
-Во чест на петте струмички студенти, денеска заедно со УМС на ВМРО – ДПМНЕ од Струмица и генералниот секретар Игор Јанушев, а во рамки на Летната школа учествувавме во маршот до Беласица. Млади од целата земја и гости од странство ја искачија патеката која води до местото на погибието на петте студенти од страна на комунистичкиот режим.
На 13ти август 1951 година на ова место со интрига на тогашната власт убиени се пет млади луѓе, членови на ВМРО кои го кренале гласот против тогашниот режим.
Мирко Пецев, Стево Топчев, Борис Белев, Ѓорги Костуранов и Ѓорги Јармов, вечна ви слава!, стои во постот на Фејсбук.