Специјалната јавна обвинителка, Катица Јанева, по вчерашниот повеќечасовечасовен исказ во Обвинителството за организиран криминал, била забележана на прошетка на кејот на Вардар, а по прошетката, во доцните часови вечерала во еден од рестораните на скопскиот кеј, каде што е регисрирана од новинари на Пресинг ТВ.
Јанева во вторникот беше на распит во обвинителството за случајот „Рекет“ и не сакаше да открие детали. На прашањето дали знае кај завршиле парите, Јанева одговори потврдно -„да“.
Впешатоците во јавноста се дека обвинителката Јанева со нетрпение го очекувала настапот за случајот „Рекет“ пред нејзината колешка Вилма Рускоска. Зашто, по избивањето на скандалот таа прво како да пропадна во земја и требаше да помине извесен период за во јавноста да се појават нејзини фотографии. Комуникацијата пак се одвиваше преку нејзини соопштенија и од новинарите бегаше како ѓавол од темјан. Се чини дека дури по вчерашниот настап во Обвинителството за гонење на организиран криминал и корупција, конечно се ослободи и се осмели да одговара на новинарските прашања, во што ја прекина нејзиниот ангажиран адвокат .
Настаните околу случајот “Рекет“ очигледно не ја загрижуваат. За споредба еве како неодамна ја уловија новинарите од порталот Вечер, каде срамежливо ѕиркаше на улица.