Тотенхем очекува Деле Али да се врати на време за неделното градско дерби во Северен Лондон, кај Арсенал.
Деле Али се уште нема ниту еден настап оваа сезона, а не беше ниту на клупата за резерви на последниот натпревар на Тотенхем.
Тотенхем забележа пораз против Њукасл, а наводно Деле Али не бил во составот бидејќи селекторот Маурисио Покетино сака да биде претпазлив во врска со неговото враќање.
Престојното дерби е исклучително важно и за двата тима имајќи го предвид тоа што и Арсенал и Тотенхем регистрираа порази за време на викендот, Тотенхем од Њукасл, а Арсенал од Ливерпул.
