Пожарот кај Опеница е под контрола, но сѐ уште не е изгаснат

Пожарот кој избувна пред два дена кај местото викано Јасика помеѓу охридските села Опеница и Косел е сè уште активен. Густиот чад се прошири и до туристичкиот центар Охрид, а високите температури го отежнуваат гасењето.

„Уште од раните утрински часови појавениот пожар што беше од вчера помеѓу селата Опеница и Косел е ставен под контрола. Значи тој е се уште активен, но ставен е под контрола. Нема негово проширување и се работи постапно на негово ликвидирање.“, вели Митко Темелковски од ЦУК.

Општина Охрид ги ангажира сите распололживи ресурси за гаснење на пожарот што од вчера зафати делови на шума и нискостеблеста вегетација.

Во гаснењето се вклучени екипи на територијалната противпожарна единица од Охрид, на општинските јавни претпријатија, Шумското стопанство, како и авиони од Дирекцијата за заштита и спасување.

Од Центарот за управување со кризи велат дека причините за зголемениот број на пожари се високите температури и човечкиот фактор.

„Дефинитивно се работи за човечки фактор и нормлано  проширувањето на пожарите е поради високите темпратури со брза динамика. Човечкито фактор е најголем причинител. Кај претходниот голем пожар во Велмеј веќе е утврдено дека причината е човекот“, рече Митко Темелковски.

Активностите за справување со пожарот се одвиваат во сложени околности поради непристапноста на теренот и топлото време.

Пожарот во селата Опеница и Расино кај местото викано Јасика, Охрид, каде гори борова шума, е ставен под контрола, информира Центарот за управување со кризи.

Во текот на вчерашниот ден за гаснање на пожарот биле ангажирани вработени од Шумско стопанство (ШС) Галичица, ШС Кичево и ШС Ресен, со специјализирани возила за гасење, 10 пожарникари со три возила од ТППЕ Охрид како и два авиони на Дирекцијата за заштита и спасување.

Пожарот во Опеница, кое се наоѓа на 8 километри од Охрид, избувна во саботата, а силниот чад се ширеше накај градот. Поради тешко пристапниот планински терен, гаснењето на пожарот е отежнато.