„На граѓаните од страна на власта им се сервира уште една невистина, која овој пат е наменета за пензионерите. Пензионерите наместо мирен и достоинствен живот со заслужени пензии, се борат за опастанок“, обвини лидерот на ВМРО-ДПМНе, Христијан Мицкоски на прес конференција.
-Нивните пензии не растат, тие се доволни за покривање на основните потреби. Најавеното покачување од страна на Владата е уште едно лажно предизборно ветување на Зоран Заев чија демонтажа ќе покаже дека всушност Владата ги оштетува пензионерите и ги остава покуси за половина од парите за покачените пензии кои им следуваат. Како држава имаме пензии кои не го следат растот на трошоците за живот и слично како и најавеното покачување на платите на наставниците, учителите и професорите, сега отворено се манипулира и со покачувањето на пензиите на пензионерите, истакна Мицкоски.
Мицкоски порачува дека тоа всушност не е зголемување туку намалување.
-Пензиите не растат со истиот тренд како во периодот од 2010-та до 2017-та година, а тој процент е намален затоа што оваа Влада го смени начинот на усогласување на пензиите. Суштината е дека пензионерите наместо целосно зголемување на пензиите од 1.100 денари кои им следуваат согласно методологијата која оваа Влада ја промени, ќе добијат само 700 денари. Со тоа Владата и Заев ќе им скрати од пензиите речиси 400 денари, средства кои ќе ги одземе од речиси 300.000 пензионери, порача Мицкоски.