Весникот Вечер во своето електронско израние во неделата објави дека сппред сознанието на полицијата ѝ се познати имињата и деталите за ноќешното пукањето во хотелот „Александар Палас“, но оти од непознати причини досега тие не ги откриваат во јавноста.
Пукано било врз Камер Идризи, Јетон Кривањева, Африм Сулмани и Енсар Исени. Напаѓачите биле вооружени со автоматско оружје и имале фантомки на главите, а поголеми последици врз нападнатите спречил полицаец во цивил кој во тој момент седел на истата маса со нападнатите и пукал кон напаѓачите во самоодбрана. Според првичните информации нападнатата група е од Грчец, скопско.
Теелвизијтата Алсат, пак, од свои извори претходно објави дека трагите за напаѓачите водат кон Арачиново. Според нив, во атарот на скопското село Арачиново е пронајдено опожарено возило „фолсваген туарег“ во кое имало две автоматски пушки.
Хотелски гости и полициски извори тврдат дека најмалку едно лице е потешко повредено во вооружената престрелка која по полноќ се случила во скопскиот хотел „Александар Палас“. Информацијата ја потврдуваат и гости на хотелот кои го слушале пукањето и слушнале крици на тешко рането лице.
Вечер повеќепати пишуваше и најавуваше дека е можен судир помеѓу групите од Грчец и Арачиново за превласт на нарко пазарот и дека тоа ќе се случува затоа што полицијата не презема мерки кои биле договорени со американската агенција ДЕА за сузбивање на нарко пазарот во Македонија.
