Сликата на францускиот постимпресионист Пол Гоген вчера на аукција во Париз била продадена за 10,5 милиони евра. На сликата “Te Bourao II” е насликан поток со птици и цвеќе во богата палета од сини и зелени бои. Исчезнала во 1897-ма, кога Гоген живеел на Тахити.
Ова дело било во приватна сопственост, а е едно од серијата од девет слики настанати додека уметникот работел на многу поголемиот проект наречен „Од каде доаѓаме? Кои сме? Каде одиме?”.
Гоген е роден во Париз во 1848-ма година. Неговото влијание на движењето на симболизмот како сликар, вајар и керамичар било големо. Славен станал по смртта во 1903-та година. Исто така, тој влијаел на работата на уметниците Пабло Пикасо и Анри Матис.