Претседателот на шпанската фудбалска асоцијација на Ла Лига, Хавиер Тебас, порача дека оваа сезона може да биде откажана поради пандемијата од новиот тип коронавирус.
„Пред нас е многу важна седмица. Ова со што сега се занимаваме, ќе го заврши натпреварувањето“, порача Тебас во разговорот за шпанското радио Cadena Cope.
„Работв целиот викенд преку видео-конференција и телефонски повици со европските институции и претставниците на шпанските клубови. Работам со контактите во Италија и во Германија за да се обидам да го поправам распоредеот, но ова е сериозна здравствена работа“, истакна првиот човек на шпанската Ла Лига.
Поради разгорувањето на епидемијата во Шпанија целата земја е во блокада, а лигата е суспендирана до 4-ти април. Меѓутоа, неизвесно е дали и тогаш ќе продолжи. Најголемиот дел од шпанските клубови ги прекинаа сите тренинзии и клупски активноста во текот на прекинот на натпреварувањата и забраната за собири на повеќе лица.
Само во последните 24 часа во Шпанија се пријавени нови 1.500 случаи на зараза со коронавирусот, па сега има вкупно 9.191 потврден случај, а бројот на починаите се зголеми на 309 луѓе.
