Откако се зголеми за 1,2 отсто во 2019 година, БДП на еврозоната ќе забележи намалување од 7,7 отсто во 2020 година во услови на пандемијата на коронавирус, а потоа ќе се зголеми за 6,3 отсто во 2021 година, соопшти денеска Европската комисија во својата нова прогноза.
Европската комисија ја намали својата прогноза и за динамиката на БДП во Германија во 2020 година. Сега очекува БДП на земјата да падне за 6,5 отсто наместо да порасне за 1 отсто, како што беше предвидено претходно.
БДП на Грција, Шпанија и Италија ќе забележат најостар пад на еврозоната во 2020 година, намалувајќи се за повеќе од 9 отсто, соопшти Европската комисија.