Коронавирусот во Црна Гора повторно го донесоа оние кои беа на фудбалското белградско дерби Партизан – Црвена звезда. Директорот на Клиничкиот центар на Црна Гора Јевто Ераковиќ изјави дека сите новорегистрирани случаи на коронавирус во земјата речиси сигурно се увезени.
Тој додаде дека е јасно дека оваа ситуација е предизвикана од заминувањето на црногорските граѓани на неодамнешното дерби Партизан-Црвена звезда во Белград, на кој имаше околу 20.000 гледачи.
Црна Гора на 24 мај се прогласи за земја без коронавирус, но вчера беа потврдени седум нови случаи и сега вкупно ги има девет. Ераковиќ очекува бројот на заразените да расте во наредните денови.
