Невести облечени во своите венчаници протестираа пред прочуената фонтана „Ди Треви“ во Рим, поради одложувањето на нивните венчавки и свадби поради корона-рестрикциите.
Италија, една од најтешко погодените европски земји од коронавирусот, постепено ги ублажува рестрикциите во борбата против пандемијата. Сепак, за венчавките во црквите, но и за големите прослави како свадбите и натаму важат остри сигурносни протоколи за заштита од ковид-19, што принуди голем број идни брачни двојки да ги откажат венчавките и веселбите.
