После 20 години владеење и огромен профит, таканаречената „брза мода“ претрпува огромни загуби и производителите како што се шведскиот гигант H&M, шпанските „Зара“, „Страдивариус“, затвораат илјадници продавници ширум светот, а без работа остануваат многу луѓе, пишува дневниот весник „Хафингтон пост“.
Според проценките на весникот „The Business Fashion“, глобалната индустрија за мода, облека и чевли ќе има помеѓу 25 и 30 проценти загуби како резултат на пандемијата и кризата.
„Ковид-19 само ги откри проблемите со производството на брза облека, што не оди добро подолго време“, рече Данило Вентури, директор на Меѓународниот институт за моден дизајн и маркетинг „Полимода“ за Хафингтон пост.
Модниот гигант „Зара“ најави дека ќе затвори 1.200 продавници ширум светот, но дека нивниот долгорочен план е да преминат на интернет-продажба.
