Владимир Милчин, режисер и поранешен претседател на Отворено општество Македонија, вечерва во гостување во емисијата Само вистина на Канал 5, смета дека поранешните функционери на ВМРО-ДПМНЕ кои се јавуваат со барања за оставка на претседателот на ВМРО-ДПМНЕ Христијан Мицкоски немаат право на тоа, бидејќи тие се директно виновни и немаат кредибилитет, односно како што рече тој тие се потрошен кадар.
Не сум сигурен навистина дека некој од денешното ВМРО-ДПМНЕ, од овие кои што се јавуваат сега што се гласни, има право на тоа, со оглед на тоа што сите практично што ги слушаме и се гласни, се виновни. Мислам дека немаат кредибилитет и дека таму исто така имаат една ситуација на потрошен кадар, особено оние кои што беа во врвовите додека беше Груевски, вели Милчин.
