Едно лице го загуби животот, пет се потешко повредени во сообраќајна несреќа што рано изутринава се случи на маистралниот пат Охрид – Свети Наум, кај клучката за излез кон хотелот „Инекс“.
До несреќата што се случила во 1:40 часот изутринава дошло при судар на три возила – „ситроен Ц3“ со битолски, „фолксваген голф“ со охридски и „фолксваген пасат“ со прилепски регистерски таблички.
Со „ситроенот“ управувал 27-годишниот И.К од Битола, кој со тешки телесни повреди бил префрлен во Специјалната болница за ортопедија и трауматологија „Свети Еразмо“ каде им подлегнал на повредите здобиени во несреќата.
Во сообраќајката се повредени уште неколку лица, од кои пет лица потешко. Повредените 27-годишниот М.С. од Битола и 23-годишната И.М. од Струга се префрлени на лекување во Клиничкиот центар „Мајка Тереза“ во Скопје, додека во 25-годишнaтa Д.Р од Скопје, 23-годишниот Б.Р. од Охрид и уште едно лице од Битола се хоспитализирани во болницата „Свети Еразмо“.
Две лица повредени во несреќата после укажана лекарска помош се пуштени на домашно лекување.
Екипа на полицијата, заедно со Јавен обвинител и судски вештак извршија увид на лице место, за утврдување на причните и околностите што довеле до несреќата.