Бразилските здравствени власти во неделата забележале 620 мови смртни случаи поврзани со коронавирусот, како 23.101 нов случај на заразата, објави министерството за здравство.
Вкупно во Бразил во моментов има 3.340.197 потврдени случаи на коронаинфекција и 107.852 починати од Covid-19.
По САД, Бразил е најпогодената земја во светот, и според бројот на заразените и според бројот на починатите. Соединетите држави имаат 5,4 милиони заразени и 170.000 починати.
Повеќе од 21,5 милиони луѓе во светот се заразени со новиот коронавирус од неговото појавување кон крајот на ланскиот декември во Кина. Починале досега повеќе од 773.000 луѓе, според процените на американскиот Универзитет Џонс Хопкинс.
Зарази со новиот коронавирус SARS-CoV-2 се регистрирани во над 210 земји и територии во светот.
