Четири лица ноќеска околу 1.30 часот провалиле во скопската Зоолошка градина. Не е украдено ништо ниту е причинета материјална штета бидејќи чуварот во градината веднаш реагирал, а фатени се откако рикањето на белиот лав Чака ги открило каде се.
Директорот на Зоолошка Ѓорѓи Галетановски за САКАМДАКАЖАМ.МК вели дека по пријавата на чуварот полицијата веднаш стасала во градината и ги уапсила провалниците. Галетановски стигнал во Зоолошката кога полицијата ги спроведувала провалниците и вели дека биле уплашени и се треселе од реакцијата на лавот Чака.
