Во Белорусија, каде веќе пет недели траат масовните протести против претседателот и диктатор Александар Лукашенко, лидерката на опозицијата Марија Колесникова е киднапирана.
Според „Тут.би“, утрово непознати лица ја грабнале Колесникова во близина на Националниот музеј на уметноста во центарот на Минск, која била ставена во комбе и однесена во непознат правец.
Сведокот, кого го претставува Тут.би само со името Анастасија, раскажала она што го видела утрово околу 10 часот. Според „Тут.би“, Анастасија одела по авенијата кон музејот кога слушнала звук на потпетици на асфалтот зад неа. Се свртела и ја виде Марија Колесникова.
“Ја имам видено во живо и порано, па знаев дека е таа. Сакав да и пристапам и да и се заблагодарам, а потоа се предомислив затоа што ми изгледаше уморно. Продолжив да одам, а потоа во еден момент решив да се свртам . Недалеку од музејот, видов паркирано комбе со натписите „Комуникации“ и лого на марката „Собол“. Продолжив да одам, а потоа слушнав звук како паѓа телефон на асфалтот и ја туркаа Марија во комбето. Еден од нив го зеде телефонот, скокна во комбето и потоа се оддалечија “, рече Анастасија.
Сведокот вели дека не се осмелила да го сними наводното киднапирање со нејзиниот мобилен телефон бидејќи стоела премногу близу и се плашела дека и таа ќе биде киднапирана.
Tut.by наведува дека мобилниот телефон на Колесникова е достапен, но никој не одговара.
Антун Роденков, портпарол на Координативниот совет, каде што член е Колесникова, за Tut.by изјави дека лидерот на опозицијата работи во центарот на градот. Тој дознал за нејзиното исчезнување од новинар на Тут.би и се обидел да открие каде се наоѓа Колесникова.
Мобилниот телефон на Марија Колесникова е недостапен од околу 11 часот.
