Повеќе лица учествувале во физичка пресметка на тротоарот пред влезот во Основниот суд во Струмица, претпладнето во понеделникот околу 10 часот, откако претходно масовна тепачка и конфронтација со полицијата се случи пред стумичката болница откако роднини и пријатели на починат недозволено го земале телото на починат.
Настанот го потврдија од струмичката полиција. Оттаму информираат дека веднаш интервенирале полициски службеници и било спречено натамошно нарушување на јавниот ред и мир.
Додаваат дека полицијата работи на целосно расчистување и документирање на настанот, по што ќе следуваат соодветни поднесоци.
Пресметката ја потврдија и од Основниот суд во Струмица.
Според портпаролката на судот, Мариета Дуќиќ, инволвираните во тепачката претходно биле на судење, а инцидентот се случил надвор од судската зграда, на тротарот пред влезот., пренесе ТВ21.
