Поранешниот претседател на Европската комисија Жозе Мануел Баросо ќе биде претседател на Алијансата Гави, што ќе го надгледува системот на ООН за глобален пристап до вакцината ковид-19.
„На светот му треба Гави повеќе од кога било, и за да се осигури дека вакцината против „ковид-19 “ќе стигне до сите земји, богати и сиромашни, и да продолжи со својата главна мисија, да заштити милиони луѓе од болеста “, рече Баросо по изборот за прв човек на Гави.
Ова јавно приватно партнерство е воспоставено во 2000 година за да се обезбеди пристап до вакцините во сиромашните земји.
Алијансата ги обединува земјите со ниски примања и владите на донатори, СЗО, УНИЦЕФ, Светска банка, производителите на вакцини од разни земји, технички и истражувачки институти, граѓанското општество, фондацијата Бил и Мелинда Гејтс и други филантропи.
Од избувнувањето на пандемијата на „ковид-19“, организацијата со седиште во Женева има задача од СЗО да го координира системот на ООН за глобален пристап до вакцината против „ковид-19“, наречен „Ковакс“ (глобален пристап за вакцини „Ковид-19“).
Поранешниот португалски премиер ќе ја наследи Нигеријката Нгози Окоњо-Ивеала, која сега е кандидат за директор на Светската трговска организација (СТО) и нејзиниот мандат во претседателството на Гави завршува на крајот на декември.
