(ВИДЕО) Синот на Шумахер му ја подари на Хамилтон кацигата на татко му по израмнувањето на рекордот во победи

epa08735709 Winner British Formula One driver Lewis Hamilton of Mercedes-AMG Petronas (L) celebrates holding F1 legend Michael Schumacher's helmet, handed to him by Michael's son Mick Schumacher, after the 2020 Formula One Eifel Grand Prix at the Nuerburgring race track in Nuerburg, Germany, 11 October 2020. EPA-EFE/Bryn Lennon / Pool

Синот на седумкратниот светски шампион во светските првенства во класата Формула 1, Германецот Михаел Шумахер, Мик Шумахер, во неделата му ја подари на Британецот Луис Хамилтон кацигата на својот тато во чест на израмнувањето на рекордот во победите.

Мик Шумахер големиот гест го направи, откако 35-годишниот Хамилтон претходно на трката за Големата награда на Ајфел на германската патека Нирбургринг со седмата победа во 11-та трка сезонава го израмни рекордот на Михаел Шумахер од 91 победа во кариерата.

„Не знам што да кажам. Кога растеш и ја гледаш Фомрула 1, го гледаш нивото на пилотите кои настапуваат. Никогаш не очекував дека некогаш ќе успеам да дојдам до овие бројки. Ми треба време да го сфатам ова“, изјави Хамилтон во интервјуто за новинарите по трката.

Хамилтон е шесткратен светски првак и веќе на 25-ти октомври на трката за Големата награда на Португалија може да направи голем чекор во обезбедувањето на новата титула со што ќе се израмни со славниот Шумахер и по овој показател.