По објавувањето на рекордната бројка од над 900 коронаинфекции во 24 часа, лидерот на ВМРО-ДПМНЕ, Христијан Мицкоски, им порача на премиерот Зоран Заев и неговиот министер за здравство Венко Филипче да се откажат од саморекламирањето критикувајќи го изостанвуањето на конкретни мерки во справувањето на растечката епидемија на коронавирусот.
„Заев, Филипче баталете ПР…
Овде се работи за животите на луѓето. Македонија денес руши рекорди со црни биланси. 934 новозаразени, 420 заразени во Скопје.
Велите дека е под контрола, а ништо не е под контрола, велите дека превземате мерки, а ништо конкретно не се работи. Велите дека го заштитувате населението, а хронично болните и утре ги терате на работа и ги ставате под ризик нивните животи, велите дека се грижите за здравствените работници, а не им обезбедувате макар бесплатни тестови за #COVID, велите дека има услови за избори во Штип, а со сила креирате корона кластери.
Секој ден покажувате дека со оваа неспособна Влада дното одново се пробива, уште подлабоко. Ваквата неспособност не е повеќе за лутење, за жалење е“, напиша Мицкоски.
https://www.facebook.com/MickoskiHristijan/posts/1706256656216453