(ФОТО) Уште неседнат во владата, таткото и чичкото на министер добиле тендер

На првиот ден како министер во Владата блиски роднини на министерот за транспорт и врски Благој Бочварски добиле тендер во општината која тој ја водеше речиси три години, според документите објавени на социјалните мрежи

Бочварски е избран за министер на 31-ви август а фирмата „Де Лукс“ ДОО веќе наредниот ден добива тендер од општина Штип.Според достапните документи на 1-ви септември општина Штип склучила договор или рамковна спогодба со фирмата на братот на таткото и таткото на министерот Бочварски.

Тоа значи дека тендерот е подготвен и одлуката кој ќе го добие била донесена додека Бочварски бил градоначалник на Штип.Во нормална држава која сака да влезе во ЕУ Антикорупциската комисија и Јавното обвинителство веднаш би пристапиле кон истрага на тендерот поради непотизам, корупција, злоупотреба на службена должност.