Шестмина од машката ракометна репрезентација на Македонија се позитивни на ковид-19, од кои тројца играчи и тројца тренери.
„Во пресрет на квалификациските натпревари за обезбедување пласман на Европското првенство 2022, со репрезентациите на Финска и Швајцарија, согласно протоколот од ЕХФ и протоколот за спроведување на ракометните натпревари, Ракометна федерација на Македонија. пред започнување на собирот, спроведе тестирање на ракометарите и стручниот штаб на сениорската машка ракометна репрезентација за рана детекција на ковид-19, при што позитивни тестови имаат тројца од стручниот штаб и тројца играчи“, соопшти Ракометната федерација.
Од тренерите позитивни на коронавирусот се:
-Александар Царчев – тренер на голмани,
– Никола Матлиески – помошник тренер
– Радослав Стојановиќ – помошник тренер.
Од играчите:
-Марио Танкоски,
-Мартин Велковски
– Мартин Поповски.
Контактите, како што јави МИА, се изолирани, а ракометарите и членовите на стручниот тим кои се позитивни немале контакт со другите тестирани членови на репрезентацијата кои се негативни на повеќе последователни спроведени тестирања.
