Во надеж дека ќе го спречат брзото ширење на Ковид-19, британските власти од денеска воведуваат нов карантин. Продавниците што не се неопходни ќе мора да се затворат, а угостителските објекти ќе можат да вршат само испорака. Училиштата остануваат отворени.
Иако премиерот Борис Џонсон вети дека карантинот ќе заврши на 2 декември, плашејќи се дека ова второ затворање во Англија може да трае и до Божик, за нејзините 56 милиони жители доведе само до лудило и панично напуштање на поголемите градови пред полноќ.
Total traffic chaos in London @RT_America @InQuestionRT @ManilaChan pic.twitter.com/mVGBQUSI3z
— George Galloway (@georgegalloway) November 4, 2020
Десетици илјади возачи се најдоа на улиците кои водат надвор од Лондон создавајќи непрегледни колони од неверојатни 2.000 километри, хаос и гужви кои доведоа и до неколку собраќајни незгоди. Луѓето масовно бегаат од своите домови во руралните подрачја, а слични гужви начекаа жителите и на поголемите градови како Бирмингем, Ливерпул, Лидз…
Shocking traffic tonight in Hammersmith. A bad crash in Shepherds Bush to blame. Everyone angry. Thank goodness they've created a safe space for cycling or my route would be extremely dangerous.
@LBHF @LBofHounslow @CllrSteveCurran @willnorman @HounslowCycling pic.twitter.com/ZKu32s7MzA— Jeremy Vine (@theJeremyVine) November 4, 2020
Освен оние што се решиле да заминат, во колоната се вбројуваат и оние кои тргнале да го завршат својот последен шопинг, но и оние кои ја искористија последната шанса да се видат со друштвото во пабовите.
Пабовите, пак, ги намалиле цените на точеното пиво, за да не им се расипе додека се затворени, што низ земјата создаде и многу пијани орди од луѓе.
Големите гужви и забавите пред пабовите, кои затворија во 22 часот, доведоа и до неколку апсења, пренесува Daily Mail.
-Не само што ги напаѓаа полицајците што се обидуваа да ги растераат насобраните, туку и ги кршеа мерките. Стотици напиени, се мешаа меѓусебе, без маски или било каква дистанца, рекол главниот инспектор во округот Мерсисајд во Ливерпул, Гери О’Рурк.
Полицијата во Сасекс, пак, уапси две лица откако момче настрада во тепачка во која учествувале дваесетина лица.
