Дозволете ми најпрвин да се заблагодарам на поддршката којашто ни ја давате изминативе денови. Истата таа нѐ мотивира да истраеме во нашата борба против погрешните политики на владата предводена од Зоран Заев, рече во своето обраќање во живо во понеделникот вечерта на својата фејсбук страница претседателот на ВМРО-ДПМНЕ, Христијан Мицкоски.
Истовремено вечерва, во организација на најголемата опозициска партија, во единаесет градови во Македонија грашаните масовно излегоа на улиците протестирајќи притов погубните анационални политики на премиерот Зоран Заев.
„Ова се историски моменти. Ова се моменти кога се одлучува и за иднината на македонскиот народ, македонската нација и македонската држава. Ова се моменти кога се потврдува тезата дека договори потпишани набрзина, не само што не се
решение туку напротив самите по себе претставуваат проблем за иднината на Македонија во рамките на ЕУ. Тоа за жал не успеа да го види Зоран Заев и денеска наместо решение истото тоа претставува проблем. Само политички аматер може да потпише договор во кој што критериум за напредокот на Македонија и нејзината интеграција во рамките на ЕУ ќе бидат лингвистичките проблеми и проблемите со историјата. Само политички аматер може во една таква подредена состојба да ја донесе сопствената држава, сопствениот народ и сопствената нација“, рече Мицкоски.
Поради тоа, додаде, ги повика сите граѓани, без разлика на политичката, верската и етничката припадност утре очнувајќи од 12:30 завршувајќи во 14 часот да се приклучат на натпартиски обединувачки протест на кој гласно ќе зборуваат.
„Гласно да зборуваме против овие погрешни политики на Владата на СДСМ предводена од Зоран Заев. Ја користам оваа прилика, истовремено, да се извинам на моите сограѓани скопјани за можеби сообраќајниот метеж кој што ќе се случува во текот на утрешниот ден. Ве молам имајте разбирање за сето ова кое што денеска го правиме затоа што ако денеска не успееме се плашам дека некои идни генерации ќе имаат можност грешката која што денеска ќе ја направи Зоран Заев и СДСМ ќе имаат можност да ја поправат. А до политичарите, сакам една порака да упатам. Немојте да се дрзнете да го чепкате македонскиот идентитет, македонскиот јазик, посебност, македонската историја, традиција, обичаи. Немојте да се дрзнете и да помислите и да се откажете од македонското малцинство кај нашиот источен сосед затоа што таа хартија која што вие ќе ја потпишете е безвредна. Следната влада којашто ќе биде цлада на единство, истото тоа парче хартија нема намера да го почитува“, истакана Мицкоски.
Посочи и дека утрешниот ден е „денот кога треба да сме масовни и гласно да зборуваме“.
„Ве повикувам, уште еднаш, сосема на крај да ни се придружите заедно да победиме во спасот на македонската иднина и иднината на македонскиот народ“, додаде Мицкоски.
