Американскиот претседател Доналд Трамп го даде своето прво интервју во живо од изборите на 3 ноември за Фокс Бизнис Њуз и ги повтори неоснованите обвинувања за изборни измами.
Трамп го даде интервјуто откако републиканскиот сенатор Рој Блант, претседател на конгресниот комитет за инаугурација, рече дека очекува на 20 јануари новоизбраниот претседател на демократите Џо Бајден да положи заклетва за нов претседател.
„Ние работиме со администрацијата на Бајден, администрација што е најверојатно одговорна и за транзицијата и за инаугурацијата“, рече Блант, гувернер на Мисури, за Си-Ен-Ен.
Сепак, тој експлицитно не го спомна поразот на Трамп на 3 ноември.
Гувернерот Аса Хачинсон од Арканзас е еден од ретките републиканци што зборувал за Бајден за избран претседател.
„Транзицијата е она што е важно“, рече Хачинсон за „Фокс њуз Сандеј“.
Трамп го искористил интервјуто за да ги повтори обвинувањата што ги изнесе без докази за широко распространета изборна измама, обвинувања отфрлени од голем број судии.
Но, тој изразил сомнеж дали Врховниот суд би сакал да разгледа жалба за кој било случај што го застапува неговиот тим.
„Треба да дејствуваме многу брзо“, рече Трамп, но не даде датум до кога ќе ги смета своите опции исцрпени.
Скоро секоја тужба поднесена од кампањата Трамп е отфрлена во судовите поради недостаток на докази.
Тој рече дека ќе продолжи да се бори со изборните резултати.
Најблиску до признавањето на поразот беше минатата недела кога Трамп рече дека ќе ја напушти Белата куќа доколку Бајден биде потврден за победник кога Изборниот комитет ќе се состане на 14 декември.
