Имаме оперативен план за дејствување, треба да знаете дека сека секаде, во секој момент ќе има полициски службеници кои ќе вршат контрола дали одлуките се почитуваат и дали некој придонесува за ширење на вирусот, рече денеска министерот за внатрешни работи Оливер Спасовски, во однос на новогодишната ноќ.
Тој уверува дека против секој којшто нема да ги почитува мерките, без разлика дали се работи за сопственици на вили кои се издаваат или граѓани кои учествуваат во такви настани, ќе бидат поднесени кривични пријави затоа што директно го нарушуваат животот и здравјето на
граѓаните.
– На секоја една пријава или сознание може да извршиме контрола и ако навистина се утврди дека има организиран настан се известува јавен обвинител и се постапува по законот за кривична постапка – рече Спасовски.
