Владата информира дека по интензивните преговори се обезбедени количини на вакцини за цела 2021 година. Од компанијата „Фајзер“, се очекуваат првите над 5.800 вакцини, а во тек се преговори и со други компании.
Владата на редовната седница ја разгледа и усвои информацијата за давање согласност за преземање обврски на Министерството за здравство за набавка на вакцини за континуирана имунизација и вакцини по епидемиолошки индикации за потребите на населението за тригодишен период и тоа од јануари 2021 – декември 2023 година, стои во соопштението.