Денеска за собраниските случувања сведочеше поранешниот заменик министер за внатрешни работи Земири Ќамили. Тој објасни како му течел денот на 27 април 2017 година и оти на тој ден бил на Косово и оти на враќање од неговата партија ДУИ го информирале што се случува пред Собранието.
Објасни и дека иако требало да се видат со Спиро Ристовски не се виделе.
-Со Спиро бевме договорени да одиме на посета кај Абдулаким Адеми кој беше болен. Но, му испратив порака дека поради некои проблеми нема можност да одиме кај Адеми – рече поранешниот заменик министер.
