Владимир Нелоски, претседател на Градскиот комитет на ВМРО-ДПМНЕ објави на фејсбук дека заедно со претседателот на ВМРО ДПМНЕ Христијан Мицкоски купиле карти за спас на фудбалскиот клуб Вардар.
Акцијата која ја започнаа „Комити“ за „спас на клубот“ е максимално успешна затоа што до сега се продадоа 20.000 билети.
„Комити“ започнаа со акција во која се продаваа билети за првиот меч од вториот дел од сезоната против Пелистер кој се игра во недела од 14:00 часот. Со оваа акција тие помогнаа во клубот да влезат над 30.000 евра, околу два милиони денари. Таа сума ќе помогне да се иструка актуелната сезона.
-Со љубов за Вардар. Можеби и премалку но во рамки на можностите карти за поддршка на брендот на Скопје. Тие го уништија, фановите ќе го кренат. Напред Вардар!, објави Нелоски.
https://www.facebook.com/nelo.vardar/posts/10218816917920352
