Полициски службеници од Одделот за криминалистичка полиција-Сектор за општ и насилен криминал и СВР Струмица го расчистија убиството на 67-годишната Д.М. во Струмица и во врска со овој случај се приведени двајца малолетници.
Во петокот, на 19-ти февурари, по добиено оперативно сознание во СВР Струмица дека во куќа во Струмица се извршени кривични дела разбојништво и силување, а врз основа на наредба од Основен суд Струмица, извршен е претрес во куќа на улицата . „Балканска” во Струмица, каде е пронајдена мртва Д.М..
Преземени се мерки за расчистување на случајот и извршена е обдукција по наредба на јавен обвинител, при што е утврдено дека смртта настанaла по насилен пат, поради задушување. Поради основано сомнение дека се извршители на кривично дело „Убиство”, казниво по член 123 од КЗ, на 19.02.2021 година, најпрво, во Гевгелија е лишен од слобода 13-годишен малолетник, а потоа во Струмица и 14-годишен малолетник.
По наредба на Основниот суд Струмица, со цел да се обезбедат дополнителни докази, извршен е претрес во домовите на осомничените. Во просториите на СВР Струмица, во присуство на педагог од Центарот за социјални работи Струмица, родител и адвокат, извршен е службен разговор со осомничените, при што целосно е расчистено кривичното дело, а малолетниците со соодветен поднесок се предадени во Oсновното јавно обвинителство и во Центарот за социјални работи во Струмица, за натамошна постапка согласно законската регулатива.
